Bazuar në të dhënat që ofrojnë studimet e deritanishme dialektologjike, nëpërmjet metodës krahasuese, përshkruese dhe analizës, në këtë artikull do të jepen argumentet që e vendosin të folmen e Mallakastrës në grupin e të folmeve perëndimore të nëndialektit të toskërishtes veriore dhe ato që e dallojnë atë si një të folme më vete. Për këtë do të përdoren jo vetëm përfundimet e studimeve aktuale, por edhe shembuj konkretë që mbrojnë këto argumente, të mbledhura nga anketimet që kemi zhvilluar në terren.