Autori folklorist, përveçse pasionant i punës së bërë, është edhe një njohës i mirë i dialekteve të shqipes. Me përmbledhjet “Prralla Kombëtare” dhe “Lojët Komtare”, Kurit ka arritur të na përcjellë dimensionet e gjuhës së folur, me karakteristikat e ligjërimit popullor, për të dalë narracioni tërheqës, veçori që e lënë lexuesin në pritje deri në fundin e ngjarjes dhe ku cilësitë mendore dhe fizike të personazheve: njerëz apo kafshë simbolike si: ujku, dhelpra, lepuri, ariu, etj. dalin aq të gjalla, sa mbahen mend për një kohë të gjatë. Gjatë gjurmimit të shprehjeve frazeologjike në këtë punimin, do të pasqyrohen karakteristikat e këtyre njësive, që na vijnë jo vetëm me një kuptim, por me shprehje ambige. Libri me titull interesant “Lojët Komtare” të Kurtit, është një lloj krejt i veçantë në literaturën tonë foklorike, didaktike dhe etnografike. Frazeologjizmat e shpërndara përgjatë teksteve e pasazheve gjuhësore të veprave i japin gjallëri dhe pasuri të jashtëzakonshme, jo vetëm tekstit, por fragmentit, paragrafit, thënies e deri strukturës së frazave. Metoda e përdorur është analiza dhe përshkrimi, realizuar përmes vjeljes së teksteve burimore dhe shfrytëzimit të literaturave të autorëve vendas e të huaj.